حزينة جدا

من ساعة ما شوفت نبذة من أخبار عن عمل درامي كوري إسود جديد تجاوز الـ111 مليون مشاهدة في أقل من شهر مِن عرضه على الشبكة المعلِنة -اللعينة- وقريت وشاهدت نبذة مختصرة لأفاضل متخصصين في المجال ده، عن المحتوى البشع اللي جمع كل الموبقات حرفيًا في مكان واحد، أد إيه اكتأبت من قبل المغرب وفضلت أردد حسبنا الله ونعم الوكيل بلا عدد لحد لحظات كتابة هذا المنشور..

كوريا الجنوبية -الله يدكها وينجي المسلمين- بدأت تشق طريقها بشراسة وتوحش كقوة ثقافية دولية “دجالية” تغلب إخوان الشياطين من الثقافات الدولية الأخرى..
حسيت كإن مشروعهم الأعظم غير المعلن هو: “تجهيز جيش الدجال”..
بجد بدون مبالغة..

بدايةً بالفرق الكورية المخنثة الشاذة المُلحدة اإللي انتشرت في الشباب زي السرطان الشرس والعياذ بالله وحولت بنات محترمات من المسلمات، إلى فتيات أشبه بفتيات الليل بتجاهر بالعِشق لهؤلاء المخنثين على الصفحات والتعليقات وكلام الغزل الصريح المُخجل لمخنثي وملحدي تلك الفرق -غزل حسي ومعنوي ومراودة صريحة بطلب الفواحش ولا حول ولا قوة إلا بالله- ومنهم إللي بتتمنى إن كوريا الجنوبية تحتل بلادها عشان يبقوا جواري عندهم، ومنهم إللي بتفكر تسيب بيت أهلها عشان تسافر لكوريا تحقق أحلامها على أرض الواقع مع المخنثين الملحدين دول!! ومنهم إللي بتحارب المسلمين في جيش الكتروني عشان بينتقدوا الفرق دول..!!
ومعظمهم من النساء والفتيات صغيرات السن!!
دي عقيدة يا ناس.. بيعبدوهم حرفيا.. زي ما ربنا قال عن اليهود والنصارى {اتخذوا أحبارهم ورهبانهم أربابا من دون الله}، مع إنهم ما سجدوش لهم، لكن عبدوهم يعني اتخذوهم آلهة تأمر وتنهى ويسمعوا لهم ويطيعوهم ويتبعوهم كالعبد لربه من دون الله سبحان الله.. ما بالك دول فيه منهم ناس بالفعل بتردد وراهم كلام أغانيهم إللي عبارة عن كفر صريح بالله..!!

#وانتهاءً بالعمل الدرامي الجديد -البشع- وإللي أقل مصيبة فيه هي التجرييييء على القتل بدم بارد لأجل المصلحة الشخصية وجني الأموال- وإللي كل مصيبة في العمل الملعون ده بتؤكد قناعتي بخطتهم “تجهيز أتباع الدجال” بالفعل -ولن أتنازل عن تلك القناعة- بالذات لما شوفت رمز القادة “للأبطال” في العمل الإجرامي ده، إللي مرسوم على أقنعة وجوههم مكان العيون….!!
عبارة عن دايرة واحدة أو مثلث واحد أو مربع واحد..
بس كده..!!
على كامل الوجه المطموسة ملامحه بالكامل باللون الأسود، ماعدا من هذا الرمز الواحد الأوحد في كامل الوجه، ومكانه في منطقة العين مرسوم باللون الأبيض!! أي توضيح أكتر من كده!! المنظر زي الدجال إللي هيبقى بعين واحدة بالظبط..!

الناس دي مش بتهزر.. الناس دي عارفة من أين يؤكل الكتف وكيف يُطهَى على نار هادئة..
الأعمال الإعلامية القصصية، سواء مكتوبة أو مرئية أو غيره، وسواء كوميدية أو درامية أو غيره، تدخل كلها ضمن الآية الكريمة: {والشعراءُ يتَّبِعُهم الغاوُون}..
إلا من رحم ربي، واتقى ربَه في عقول الناس ودينهم وفطرتهم..

=امنعوا ولادكم بأي وسيلة، من دخول عالم النت والاطلاع على كل الثقافات الغربية العفنة دي بحجة إننا بنفرجهم على كل حاجة عادي وبدل ما يتفرجوا من ورانا يتفرجوا معانا، وبناخد إللي يفيدنا ونسيب إللي يضرنا..!
=الشرطة والمدارس في بعض الدول الغربية بعتت تحذيرات للمواطنين من مشاهدة المسلسل!!
=حتى في مصر إحدى الفنانات المتبرجات قالت إن المدرسة إللي بنتها فيها -يعني أكيييد مدرسة عالمانية ليبرالية متحررة!- بعتت لها بريد الكتروني تطلب منها منع بنتها من مشاهدته وإن دي رسالة معممة لكل أولياء الأمور لإنه خطر جدا على ولادهم..!
=اتقوا الله في ولادكم
=مفيش حاجة اسمها ان ولد أو بنت في إبتدائي أو إعدادي أو ثانوي يبقى معاه جهاز منفتح على المستنقعات دي بلا رادع أو رقيب أو حسيب أو متابعة..
=مفيش حاجة اسمها إن ولادنا قاعدين بالمستنقعات دي في إيديهم جوة أوضتهم قافلين عليهم ومحدش عارف بيعملوا إيه عليها وبيها..
=مش معقولة حتة قطعة معدنية بالحجم ده تبقى سبب في خلود ولادنا في جهنم إللي مالهاش حدود والعياذ بالله..
=امنعوهم ولو اضطريتوا تربطوهم في الحبال عشان ما يرموش نفسهم في النار اربطوهم.. ولو اضطريتوا تقعدوهم في البيت من غير تعليم لحد ما يعقلوا قعدوهم وعالجوهم واحتووهم واحقنوهم بالمعارف إللي تحصنهم من الفتن والشبهات دي ثم اطلقوهم للحياة من تاني.. دينك دينك لحمك دمك..!
=وصاحبوهم وحاوروهم كتير وبينوا لهم بالدليل العقلي والشرعي والفطري والإنساني إزاي الناس دي بتخطط لخراب البشرية والإفساد في الأرض وحشر الناس لجهنم مع جنود إبليس اللعين..
=علموهم العقيدة الصحيحة ورسالتنا في الحياة ومقدار الدنيا من الآخرة وعلموهم الصبر ثم الصبر ثم الصبر.. من غيره هنخسر دنيا وآخرة!
=املوا أوقاتهم صح، مش سايبنهم ليل نهار للشوارع والنت والشبهات والصحبة إللي الأبالسة بتتعلم منهم! عشان تسرحوا براحتكم إنتوا على التيك توك والشوبنج والخروجات والزيارات وتحقيق الكارييير!!
=الكاريييير الحقيقي بيتحرق يا ناس فوقووووا بالله عليكم..
=احرقوا كل شيئ بيفتح لهم طريق على جهنم مهما سبب لهم المنع ده من حزن مؤقت أو إزعاج لكم وشقلبة لحياتكم مؤقتا..
=والله هنقف ونتسئل عن تضييع الرعية..
فماذا أعددنا للسؤال والحساب…؟
والله إنها لأمانة.. وإنها يوم القيامة حسرة وخزي ونداااامة…
ولا حول ولا قوة إلا بالله..
مش هقول اسم العمل اللعين ده وياريت محدش يقول اسمه لإني لا أقبل بنشره نهائي..
إللي عارفه هيفهم.. وإللي مش عارفه: مش هيأثر ده في شيئ على استفادته من المنشور ومراقبة مرئيات ولاده
وأفكارهم وميلوهم وصحبتهم..

أسماء محمد لبيب