أفغانستان.. حكاية جريمة

بمناسبة الاحداث الاخيرة في افغانستان هحكيلكم حكاية مرعبة كانت بتحصل هناك واتعرفت بسبب تحقيقات سرية عن جرائم بتحصل من سنة 2001 لحد دلوقتي ، وكان جزء كبير من الحكاية علي لسان قائد قوات الدفاع الأسترالية أنجوس كامبل

خلال سنين إحتلال افغانستان ووجود قوات من أستراليا و أوروبا و أمريكا كان اي جندي جديد بيوصل للمعسكر بتاعه في افغانستان كان لازم ينفذ طقس اسمه بلادينج Blooding كنوع من انواع استعراض القوي واظهار الشجاعة قدام زمايلة ، والطقس ده كان عبارة عن شئ مرعب فكان لازم الجندي الجديد يختار شخص أفغاني مدني أعزل ويقتله بنفسه ، وكان كل جندي بيتفنن في طريقة القتل ، فكان منهم اللي بيضرب الضحية بالرصاص وفي اللي كان بيدبحه وكان في جنود بتختار انها تحرق ضحاياها ويتفرج عليهم وهما بيتعذبوا وطرق تانيه بشعة ، وفي بعض الجنود كان بيختار انه يقتل عيلة كامله علشان يبان انه اقوي واشجع من زملائه.

كل الكلام ده اتعرف لما واحد من الجيش الأسترالي أسمه ديفيد قرر يقول الحقيقة ويحكي عن الجرائم اللي بتحصل في حق شعب اعزل من 20 سنة، وحكي كمان عن بنت من الجنود الاستراليين قتلت لوحدها 39 شخص أفغاني أعزل علشان تبان انها اشجع واقوي من زمايلها الرجالة.
المفجأة بقي ان المذابح المرعبة دي كانت بتتم بمساعدة أفغان خونة وعملاء كانوا بيساعدوا جنود الاحتلال انهم يصطادوا الضحايا وبعد عملية التعذيب والقتل كانوا بيخفوا الجثث او يتخلصوا منها.

وبعد الفضيحة لما اتكشفت أعلنت أستراليا عن إنشاء وكالة تحقيق لبدء قضايا جنائية ضد الكوماندوز الأسترالي المشتبه في ارتكابه جرائم حرب في افغانستان ، واستمر التحقيق مع عدد من جنود القوات الجوية الخاصة ووحدات الكوماندوز في أفغانستان والتقرير ذكر ان 25 جندي أسترالي من فوج طيران خاص قتلوا عمد 39 أفغاني أعزل في 23 حادثة منفصلة ، وطبعاً ده عدد بسيط جداً بالنسبه لعشرات الالاف من العزل الأفغان اللي اتقتلوا في الطقوس دي.

وأعلن قائد الجيش الأسترالي، الجنرال أنجوس جون كامبل، أن جميع عمليات القتل ارتكبت عن قصد ، ومش في حالة قتالية ، وكان بيتم تجهيز مسرح الجريمة وقتل الضحايا بابشع الطرق ، وقال كمان ان تصرفات الجنود كانت مخفية لسنوات بسبب “ثقافة السرية” في الجيش.

وقام المحامي العسكري ديفيد ماكبرايد سنة 2019 بتسليم جزءً من الوثائق المتعلقة بالجرائم اللي ارتكبها الجنود الأستراليون في افغانستان ، بما في ذلك قتل مدنيين وأطفال ورضع لقناة “ABC”. وطبعاً اللي في الوثائق دي ابشع من اي فيلم رعب ، لان فيها تفاصيل رهيبة.

وبعد التقرير اعتذر قائد قوات الدفاع الأسترالية، الجنرال كامبل نيابة عن الجيش . . لكن هيعمل ايه الاعتذار لكل الضحايا اللي اتعذبوا وماتوا بابشع الطرق علي ايد الجنود المحتليين.

بعض المصادر:
https://www.google.com/amp/s/amp.abc.net.au/article/12899854

https://www.npr.org/2021/04/25/989546260/i-remember-them-screaming-afghans-detail-alleged-killings-by-australian-military

https://m.facebook.com/story.php?story_fbid=253883919649447&id=100050835229362