حبل الكذب قصير

حبل الكذب قصير 

مثل شعبي مشهور
كنت أسمعه وأنا صغير

بس شكلها الأيام بتدور

الشر أصبح مستطير 

وشاع الظلم والزور
يعني من الملك للوزير

 للقائد للجندي للجمهور
الكل بالكذب مستجير

باب الصدق بظل مهجور
حبل الكذب ما عاد قصير 

القصير طِوِل عدد مكرور
اليوم على أقل نقدير

طوله صار اطول من السور
قصدي سور الصين الكبير 

اللي مع العجايب مسطور
يعني لو حطيت سرك ابّير 

ممكن الصبح تلقاه منشور
بس الكذب كل الوقت يسير

إن عثر يدعمه ألف مأجور
ضاعت العباد والبلاد بتهير 

وانهدت الأخلاق هدة الدور
والدين ينباع بسعر الشعير

من لحى شعر ما لها شعور
والنخب ما فيها رجل جدير 

تسمع كلامه وتقول مشكور
وكل العلم في خدمة الأمير 

مش زي ما علمونا العلم نور
هذا الحكي للزعل مثير 

لا هو بنظم ولا منثور
عم أحكيه بدون ما أستشير

ليش الوجع تا يظل مستور
مليت من المراوغة والتبرير 

ما عدت أشوف الغلط معذور
إلى جهنم وبئس المصير 

لا اسف على جاهل مغرور